> Zurück

Damen 2 - VBC Marzili (0:3)

Benkhanous Tanja 15.12.2019

Am Samschtig am 2i hei mir üs zum letschte vorrunde Spiel in Riggisberg troffe. Mir hei vor em Spiel chli gschuttet, d'Lili het gmeint wenn si mit ihrem Team vorhär schutte, gwinne si när. Mir hei ghofft das würd bi üs oh häufe, abr es isch de leider nid ganz so guet use cho.

Dr erscht Satz hei mir guet möge mithäbe, ds Spiel isch immer wider usgliche gsi. Wos när langsam gäge Schluss isch gange hei si di wichtige Pünkt gmacht und bi üs hei oh d wächsle dr Satz verlust vo 18:25 nüme chöne abwände.

Im zwöite Satz si mir guet gestartet u hei es paar Pünkt vorsprung gha, leider hei mir die widr ihbüesst wüu si eifach konstanter gspiut hei und sech bi üs immer eis zwöi chliini fähler ihgschliche hei. Dr Satz het när 19:25 geendet.

D'Lili het ih de Timeouts immer betont das mir Technisch besser si aus dr VBC Marzili, aber irgendwie hets aus Team nid ganz zäme passt. Leider hei mir im 3 Satz d Niderlag nüme chöne abwände, am Schluss si eis zwöi Konzentrations Fehler zviu gsi.

Schade, aber mir luege vorwärts und fröiie üs uf dRückrundi u hoffe das de z Glück u Konstanz dasmau uf üsere Site si. 

 

Resultat 0:3 (18:25,19:25,19:25)