> Zurück

Damen 1 – VBC Bern 3:2

Riesen Nadine 11.01.2020

Phu, das isch knapp gsi…  

Motiviert simer i erst Satz gstartet u trotzdäm hets gharzet. Irgendwie hets nid es richtigs Spiu wöue gäh. Üsi Gägnerinne hei zu üsem Glück viu Eigefähler gmacht u mir hei dä Satz für üs entschide (25:22). Im zwöite Satz heimer es bizli muetiger u überzügter gspiut. Es isch scho besser gange, das het oh z’Resultat zeigt: 25:16. Zum dritte (19:25) u vierte (16:25) Satz gits nid viu z’säge… Mir hei es riese Töif gha u si gar nüm ids Spiu cho. Z’viu Eigefähler, schlächti Abnahme u kener subere Agriffe. Zudäm het VBC Bern ihres Spiu gmacht und üs gar nüm zum Zug la cho. Das Töif heimer leider ohno i füft Satz „mitgno“. Womer 5:13 si hinger gsi, heimer d’Hoffnig scho fasch verlore. Dank ar Liliane ihrer grandiose Service-Serie heimer das Spiu – ja mä gloubts fasch nid – no chönne chere! Äs het haarscharf no glängt, dä Satz mit 18:16 z'gwinne u somit z'Spiu für üs z’entscheide.