> Zurück

Damen 2 – Volleyball Grosshöchstetten b 3:1

Gasser Alyssa 03.02.2020

Am 21. Januar 2020 heimer üses Heimspiu gägä Grosshöchstetten dörfe spile. Üs isch bereits am Afang klar gsi, dases es Chopf ah Chopf renne wird sih, da si üs ir Vorrundi mit 3 zu 1 gschlage hei. Um so grösser ish üse Ehrgiz gsi dä Match, am Mäntig Abeh, fr üs z gwinne. Im erste Satz heimer super gstartet. Aues het passt. Schöni Abnahme, super Päss, perfekt platzierti Ahgriffe und natürlech hammer Services. Ds hettsäch ou uszauht. Mir hei dr 1. Satz mit 25:15 gwunne. Nach üsem Höch isch leider z Töif cho. Obwouh mr bis am Schluss Kämpft hei, heimer am Afang eifach z viu Fähler gmacht, Dr zwöit Satz het wägä däm Grosshöchstette mit 22:25 gwunne. Nachem erneute Sitewechsu simr widr uf üsere Gwinnersite gsi und hei ou widr ganz viu schöni Bauwächsle gha und somit ou dr 3. Satz für üs dörfe gwinne mit 25:19. Im 4. Satz hets am Afang ganz schlecht für üs usgseh. Grosshöchstette ish mit es paar Pünkt ir Füehrig gsi, aber mir hei Kämpft und jede Punkt womer gmacht hei gfiiret aus wärer dr letscht gsi. Und so heimer üs bis am Schluss chönne dürekämpfe und Grosshöchstette no ufhole und hei dr 4. und letscht Satz mit 25:23 gwunne. Äs isch äs super Spiu gsi mitemnä Gägner uf Ougehöchi. Uf viu witeri so spannendi und erfougrichi Mätche!