> Zurück

VBC Konolfingen : Damen 1 3:2

Gasser Linda 03.02.2020
Mir si guet i erst Satz gstartet. Es isch üs ir Verteidigung, wie oh im Ahgriff relativ viu glunge. So hemer dä ersti Satz mit 25:21 chöne heitue.
Im zwöite Satz isch Konolfinge vo Afang ah parat gsi u het mit ere stabilere Leistig gspiut, während dessi üses Team immer wieder chli mit höch u töifs z kämpfe gha het. So hemer dä Satz knapp mit 23:25 verlore.
Im 3. Satz het üs nüd wöue glinge.
Weder Service, no d Abnahme hemer höch u sicher chöne Ufstelle. Was zumene Louftraining fürd Lili gfüehrt het u emne grosse Vorsprung für Konu. Mir si zwar am Endi vom Satz wieder chli nöcher ah si here cho, het jedoch füre Satzgwinn nid ganz glängt. (20:25)
Im 4. Satz hemer üs ane nöi Ufstellig häre gwagt. Üsi Mittespielerin het sech uf Diagonal dörfe bewise u das ganz guet gmeisteret. Mir si langsam ume chli is Spiu ihne cho, währenddessi es Konu nüme ehso glofe isch u so mir üs i 5. Satz chöne rette. (25:21)
Dä wiederum isch de ender eh churzi Gschickt gsi. Konu het dä Satz klar dominiert u mit 8:15 gwunne.
Schad, hemer de aktuell 3. platzierte nid meh Pünkt chöne abneh u üse Vorsprung ufboue. Diese Plan werde mr aber ide kommende Spiu ih Ahgriff neh u üse zwöiti Platz verteidige.
Hopp Riggi.