> Zurück

Damen 3 - VBC Thun (0:3)

Sarah Habegger 11.12.2018

Scho isch üse letzt Match vor Vorrundi ahgstange. Mir hei am Zistig Abe dr Gruppeerst u ungschlagnig Gägner us Thun begrüesst. Mir si top motiviert gsi und hei üsnä Gägner z’Läbe wöue schwär mache. Doch mir hei scho vom erste Punkt ah gmerkt, dass das gar nid eifach wird wärde. D’Spielerinne vo Thun hei super Services gha und si scho gli über 10 Pünkt vorus gsi. Doch mir hei so guet es isch gange kämpft und am Schluss isch es 13:25 für Thun gstange.

Im 2. Satz isch es witer gange wie im Erste. Thun het serviert und super stark ahgriffe. Mir hei nid viu drgäge chönä mache und hei fasch aui Bäu no irgendwie müesse zämä chratze. Mir si fasch nie zum nä schöne Ufbou cho, so dass mir hätte chönä ahgriffä. Doch wes üs mau glunge isch, hei oh mir mit üsne Ahgriffe äs paar Pünkt chönä hole. Trotzdem isch es am Schluss 9:25 gstange.

Mit kenä grosse Erwartige si mir ih 3. Satz gstartet. Wie ih dä erste beide Sätz het Thun nüt lah ahbrönne. So hei sie, wie erwartet, oh dr 3. Satz klar mit 11:25 für sich entschidä. Somit hei mir dr letzt Match vom 2018 leider klar ih 3 Sätz verlore. Doch rückblickend chöi mir mit üsere Leistig ir Vorrundi z’fridä si und fröie us scho itzä uf die zwöiti Saisonhäufti im 2019.

 

Resultat 0:3 (13:25, 9:25, 11:25)