> Zurück

VBC Thun - Damen 3 (3:0)

Benkhanous Tanja 08.01.2019

Nach de Wiehnachtsferie isch für üs zrückspiel gäge Thun ahgstande. Am Sächsi am abe hei mir üs bir Turnhalle ihgfunde und hei üsi Gägner gar nid wider erkennt. Si si plötzlech nüme ganz so gross gsi und no jünger aus mir se ihr erinnerig hei gha. Es het sech de när usegstellt das mir würklech gäge es komplett anders Team wärde spile, aso z´Richtige VBC Thun. (Ir vorrundi hei si es angers Team gschickt, wüu ne dAhspielzit zspät für die Junge isch gsi.)

So si mir aso vouer Motivation gsi, gäge die Thuner meh usezhole aus ir Vorrundi. Mir hei aber de oh scho bim ihspile gseh das oh si technisch uf em ne sehr höche niveau si.

Der erscht Satz isch am ahfang sehr usgliche verlofe, bis zum 13:13 hei mir guet mitghaute und si für jede Bau gange. När hei mir d´Abname nüme so suber bracht, d´Ahgriffe si oh zwenig gsi und so hei mir dr erscht Statz mit 14:25 verlore. 

Oh der zwöit Satz het guet ah gfange und mir hei zum Teil schöni ahgriffe chöne mache und hei guet verteitiget. Doch bi 19 Pünkt isch plötözlech fertig gsi. Ih däm Staz wär durchus no chli meh dinne gläge, aber irgendwie hei mir einfach am ändi widr dnärfe verlore. So isch dr 2 Satz mit 19:25 ah Thun gange.

Dr dritt Satz isch zum vergässe gsi, mir si gar nid is spiel scho. Aui wächsle hei nüt bracht und mir hei dir Satz mit 6:25 verlore. Aber wie d Nina het gseit, das gits eifach mängisch.

So luege mir füre wüu am mäntig steit scho wider znächschte spiu ah.

 

Resultat: 3:0 (25:14, 25:19, 25:6)