> Zurück

VBC Marzili-Da3 3:0

Stucki Maria 03.03.2019

Mir hei üs im Campus Muristalden zum erste vo drei Matche vo üsem "änglische" Wuchenänd troffe:

Z Diskutiere hei scho mau die viele Linie uf em Hauebode gä, vor auem wiu d Volleylinie im ne unuffäuige dunkublau ghaute si gsi u derfür d Tennislinie i bländendem Wiiss...

Leider chöi mer nid emau d Linie für üsi Leistig verantwortlech mache u o nid üse Coach! Was mir da abglieferet hei, isch chuum erwähnenswärt! Viu z säute hei mir chönne glänze, aber wenn doch de grad z grächtem. Aber drei Knaller-Agriffe u no paar super platzierti Bäu hei nid glängt, für irgendwie dr Gägner chli i Bedrängnis z bringe. Üsi Abnahme si so katastrophau gsi wie no nie. Fouglech hets o am Ufbou ghapperet u d Agrifferinne hei uf aus müesse gfasst si u hei nie gwüsst, wo dass die Zuespiu härechöme.

I maches churz: VBC Marzili-Da3 3:0 (25:19,25:13,25:17)

Für ds nächste Spiu nähme mir üs ganz viu vor! Mir hei üs das mau viu ds biuig verchouft!

Viola, ganz härzleche Dank für dini unermüedleche Versueche, doch no chli Volleybau us üs usezchutzele ;-). Du hesch hüt e schwierige Job gha!