, Frauenknecht Isa

Da2 - VBC Burgdorf, 0:3, 30.11.2013

am samsti mittag isch mitlerwile scho üses 5te meisterschafts-spiu agseit gsi. träffpunkt 11:00 im früsch verschneite burgdorf.

mir si leidr nid eso guet i das spiu gstartet und si vo afang a immer chlei im rückstand gsi. mir hei zwar aui kämpft u viu siegeswiue a tag gleit, abr mir hei problem gha mitem abschluss u hei drum dr erst satz zimmli dütlech mit 17:25 verlore.

im 2te satz heimer när phasewis guet mitghaute u paar schöni pünkt gschribe, abr irgendwie heimer nid richtig chönne dervo zieh. leidr het sech d tamara öppe nach 2/3 vom satz imene blöde zämeprau am knöi verletzt. a dere steu ganz gueti bessrig!! ou dä satz het burgdorf mit 25:18 für sich chönne entscheide.

im dritte satz heimer nomau richtig wöue ufdräie und zeige was mir chöi. leidr het aues kämpfe um jede bau und div. wächsle vo eg nüt gnützt, so dass mir ou dr dritt satz a burgdorf hei müesse abgä.

mir chöi trotz auem öppis positivs us däm match mit ads nächste spiu mitnäh: wyter so aus team ufträtte u fürenang kämpfe - de klappets hoffentlech de ou mitem gwinne widdr!! :)