, Frauenknecht Isa

D2 - STB Volley, 3:1, 14.12.2013

Nachdäm mirs gschafft hei überhoupt id haue z cho, da sogar dr Gägner vor verschlossänä Tür isch gstange, simer top motiviert i 1. Satz gstartet.. mit ere Mischig us Punktä u Eigefähler heimer der erst Satz (26:24) sehr knapp gwunnä!!
Im zweite Satz isches leider nid grad zu üsne Gunste usgfalle. Üs ischs übrhoupt nid gloffä,drfür am gägner umso mee..mir hei dr Satz leider 20:25 verlorä..
Das heimer aber nid uf üs weue la sitze.. mir hei ufdrähit: starchi Services, Abnahme u geili Pünkt hei üs schlussendlich zum klarää Sieg vo däm Satz vrhoufä (25:12)..Natürläch heimer üs di drüü Pünkt nid wöuä la nä&hei drum no einisch aues gää,obwous ab und zue asträngend gsii isch wäg längä bauwächslä-trotzdäm heimr üs chönnä behouptä u hei dä Satz mit iifausriichä Agriffä u Servicedruck mit 25:17 gwunnä! A derä Steu no äs MERCI a d'Conä,wo dr EG würdig vrträttä het&üs zum Sieg gfüehrt het;)

Es macht immer wider Spass gäg sone super u mega faire Gägner z spilä.. Merci für das super Spiiu zum Abschluss vor Vorrundi,liebii STB-Frouä:)! 

Für üs heisst dä Sieg 4. ir Rangliste, was ä guetii Zwüschäbilanz isch für üs aus Ufstiigr. Zur Fiir vom Match u derä guete Vorrundi heimer üs mit emne feinä Ässä im Nooch belohnt.. hoffä dä super Abschluss verhilft üs zumene no bessere Start id Rückrundi!
Schöni Festtäg u es guets Nöis!!!!