, Frauenknecht Isa

D2 - VBC Burgdorf, 0:3, 08.02.2014

Ir Vorrundi het üs gäge Burgdorf nid viu wöue glinge. Dasmau heimer ihne wöue zeige, dass mirs besser chöi. Leidr chunnts aber nid immer so, wiemes wett...

Während dem ganze Match si mir nie richtig is Spiu cho u hei nid üsi Leistig chönne erbringe. Aune Orte het di letschti Konsequenz gfehlt. Im 1. Satz si mir richtig überrumplet worde vo üsne Gägnerinne. Zudem hei mir sehr viu Servicefehler gmacht u de isch nach kurzer Zyt scho 25:15 gstange. Aschliessend hei mir üs de chli chönne steigere, het aber nid fürs Gwinne vom Satz glängt.

Dr 3. Satz het de besser gstartet u mir hei ou mit einige Pünkt i Füehrig chönne gah. Burgdorf het de wiedr afah besser spiele u mir schlechter. Schlussendläch hei de Gägnerinne ufghout, überhout u dr Satz mit 25:22 gwunne.

 

Schad hei mir üsi Leistig nid chönne erbringe, da meh mögläch wer gsi. Itze luege mir vorwärts u hole im nächste Spiu wiedr 3 Pünkt. Goooo Girls...