, Frauenknecht Isa

D2 - VBC Uni Bern a, 1:3, 3.12.2014

Mir si voller motivation gsii vorem match ond hei gseit mir wei wenigstens 1 ponkt holä. 
Klar üses ziel isch chli höch gsetzt gsi, da mir gäg die 1. platzierte gspellt hei.
Aber mir hei nüt zverlüre gha. Im 1. satz isch üs velles glonge. Hei guet chönne drock
mache im service ond dabnahme si au guet gsii. Vore am netz hei mir au guet chönne ponkte.
Mir hei om jede ponkt kämpft ond stemmig isch super gsi ufem feld, so das mir de 1. satz
25 : 22 hei chönne gwönnä.
Mir hei das met de kopfsach vo letscht mal ned gha, emu ned im 1.satz.
Im 2. satz hei mir leider vel eige fehler gmacht ond hei au vore am netz ned so vel chönne
mache. Mir hei zwar emmer weder chönne ufhole aber leider hets de glich ned glängt ond mir
hei ne 25:19 verlore. Im 3. satz isch es au ned vel besser gsi.
Uni bern isch au chli stärcher worde ond mir hei ned ganz chönne methalte. Da mir emmer
weder ufgholt hei ond sie ner weder im röckstand gsi, hei mir au de 3. satz leider 25:17
verlore.
Im 4.satz hei mir alles ghä. Hei om jede ponkt weder kämpf ond üs isch weder velles glonge.
So isch au stemmig im team weder super gsii.. So das mir sogar in führig gsii send im
mette vom satz. Leider send üs de weder velli fehler passiert. Hei nöm so guet abgno ond
au vore am netz send üs zvell fehler passiert. Leider het de uni bern üs ufgholt ond au
besser agreffe. So hei mir de 4. satz 25:21 verlore.
Ond hei üses ziel leider mega knapp verpasst das mir 1 ponkt holä.