, Stucki Maria

D2 uswärts gäge Volley Köniz 0:3 22.10.2016

Mir si zKöniz uf enes sehr, sehr jungs Team gstosse. Scho gli het sech zeigt, dass da wou dNachwuchshoffnige vo däm Club am Würke si. Ihri technische Fähigkeite si ougefällig gsi.

Vou Fröid u Elan si mir i di Meisterschaft gstartet, hei aber doch chli Chnörz gha, dene junge Meitschi chönne dStange zha. DAbnahme nach ihrne Sprungservices hei eifach zweni guet wöue glinge. I de erschte beide Sätz si mer geng glücklech gsi, we mr uf der Resultattafele afe e zwöistelligi Zahl hei gha. Dr erscht Satz 25:13. dr zwöit 25:11 verlore. Aber mir hei der Muet u vor auem dFröid am Spile nid verlore, o we gwüss fasch jede Netzroller zu Gunste vo Chüniz trohlet isch.

Im dritte Satz hei mer de ufdräjit u ds Gägnerteam ghörig verusicheret. DStimmig bi ihne isch geng witer gsunke, dNärve si agspannt gsi. Leider hei mir dä Satz de glich 25:23 verlore, aber i Sache Spiufröid u Teamgeist si mir eidütig Sieger gsi!