, Stucki Maria

D2 - volleyliebefeld 3:0 29.10.2016

Üse erst Heimmatch. DStimmig ir Haue isch nach em Spiu vom D1 bedrückt gsi. Mir hei üs aber sehr uf üsi Begägnig mit volleyliebefeld gfröit. Dass mer zäme Spass hei am Spile hei mer scho bi üsem verlorne Startspiu gmerkt. Auso hei mer nüt zverlüre.

Dr erst Satz isch chli es Abtaste gsi. DStimmig vom Team u vom Publikum isch lut u guet gsi. 25:22 hei mir dr erst Satz chönne gwinne. Im zwöite Satz ischs no besser worde, 25:16. U när chunnt ja aube der berüehmtberüchtigt 3. Satz. Dranneblibe, dürezieh... hei mer wöue u si plötzlech 0:7 hinger gsi. O wetsch! Äbe nid eso!! Interessanterwiis si mer glich geng ruehig blibe. E Serviceserie het de ds Zwüscheresultat vo 8:13 i nes 15:13 verwandlet. Mir si wieder häuwach u aktiv gsi. Üsi Gastspielere dAngela het für di 3 letschte Punkt o no dörfe i ds Spiu iigriffe. Zäme hei mir de o dä Satz chönne gwinne. Das tuet de guet!!

O i däm Spiu hei mir eifach Spass gha. Hoffentlech blibt das eso!