, Stucki Maria

TV Länggasse - D2

Am Samstig am 12i si mir ir Neufäudhaue iitrudlet. Di einte diräkt, die angere hei no chli müesse sueche... Die Zyt isch für üs chli schwirig. Sie passt eifach nid i normau Tagesablouf mit de gwöhnleche Ässenszyte. Uf au Fäu si mer das Mau nid parat gsi u hei o nid zure gnue guete, geschwige de herusragende Leischtig gfunge. Mir hei viu probiert, aber d Gägnerinne si geng chli besser gsi. Irgendwie ligt üs das Team nid. Scho ir Vorrundi hei mir üs unger üsem Wärt la schlah u hüt ischs nid besser worde. A was hets gfäut? Vo uss isch mir ufgfaue, wie viu üsi beide Passöse hei müesse renne, fouglech si dAbnahme zweni prezis gsi. D Service si z hüffig im Netz blibe bhange u süsch o z harmlos gsi. DAgrifferinne hei säute perfekti Zuespiel übercho, was natürlech bi schlächte Abnahme när dFoug isch. Es git leider nid viu meh zbrichte. Mir wei's eifach z nächst Mau besser mache. "Descarada!" (25:20/25:17/25:19)