, Noemi Zeller

VBC Kehrsatz - Damen 3 (3:2)

Am Dsischti Aabe heimer mit 10 Spilerinne dr Match gägä Chersatz chönne aaträttä. 

Im erstä Satz heimer gad vo Afang aa äs paar Pünkt verlore u si drum hingenacheghinkt u hei nümm chönne ufhole obwou mr si dranne blibe u kömpft, hei d Chäsitzer dr erst Satz gwunne

Dr zwöit Satz heimer i Ahgriff gno mit nöiem Elan. Mir hei mit üsere Fröid a jedem Punkt womer hei gmacht üsi Gägner chlei la unsicher wärde. Üsi Ahgriffe si gsässä u mir si Punkt fr Punkt witer. Sisi üs uf dr Färsere xsi, aber mir hei nid ufgää und dä Satz gwunne 

Im dritte Satz heimer chli nache gla mit üsere Kreativität u d Chäsitzer hei gmerkt womer härä spile u hei d Löcher deckt, si hei vieu Bäll no chönne hole. Mir si uf ihri Ahgriffe weniger uf dä Färse gstange u langsam het üs d Energie gfäuht.

Im vierte Satz si mir wieder uf dr Gwinnersite xsi u hei weniger Spiufähler gmacht. Vo Afang ah simer i Füehrig xsi u hei dä Satz gwunne. Zu gueter letzt isches äs uf und ab xsi, üs het coolness gfäuht u mir si unger z höchem Druck gstange. Im Team isch ä mega Spannig xsi u so isch dr letzt Satz chli verchrampft gspiut worde u mir hei ne knapp nid gwunne.

Mir chöi a üsere Mentali Sterchi no schaffe u eifach probiere kuul ds blibe o wenn d Spannig u dr Druck risig si. Aus Team heimer ä super Leistig gha a däm Match u mir chöi aui z fride si, was mir hei gmeisteret!

Resultat: 3:2 (25:20, 17:25, 25:14, 22:25, 15:12)