, Viola Stirnemann

TV Länggasse - Damen 2 (3:1)

Z Wucheänd isch sehr schnäu düregange u scho hei mir nis wiedr idr Haue troffe. Wie am Friti wiedr im Campus Muristalde, aber dasmau gäge TV Länggasse. Aus ersts mau no dä Zettu usfüue dsmer ke Corona hei u ner starte mir mitem iloufe u ispiele.

D Stimmig isch guet u mir si sehr motiviert gsi, hüt chli me z zeige was mir chöi aus mirs am Friti hei gmacht. Leider hei mir aber oh dä Match ziemli verschlafe. Ömu di erste zwöi Sätz si nid zum zueluege gsi. Irgendwie hei mirs abr glich gschafft paar Pünkt zmache u hei se de 25:20 u 25:17 verlore.

Im dritte Satz si de oh mir mau erwachet u hei ändlech wieder chli me zeigt was mir eigentlech chöi, gueti Abnahme, super Päss u präzisi Agriffe. So hei mir dä 15:25 für üs chönne entscheide.

Im vierte Satz hets höchs u töifs gha, leider zviu töifs u drum hei mir dä no 25:18 müesse abgäh. Schad chöi mir idä Matche nid so würk üses Volley dürezieh u verchoufe nis so ziemlech unger ‘üsem Wert’.

D Michelle isch nis, trotz dick igwickletem Finger vom letzte Match, aus Zueschouerin luthaus cho unterstütze, merci dir!

 

3:1 (25:20, 25:17, 15:25, 25:18)