, Burri Larissa

Juniorinnen U19 - Volley Köniz (0:3)

E nöii Saison het gstarted. E nöii Saison mit em ne nöie Team, nöie Trainerinne und ere ganz spezielle Situation.

Üse erst Match am 17.10.2020 hi mir gägä Volley Köniz gspilt. Mir hi aui gwüsst das Köniz e starche Gägner isch aber mir hi ou gwüsst, dass mir viu trainiert hei für die Saison. Am Samstig si mir de aui mega motivert i üse erst Match gstarted.

Im erste Satz simer aui no chli am schlafe gsi u hi so vili Bäll verlohre. Demendsprächend hi mr de Satz gli is gad mit 12:25 verlohre. Mir hi gwüsst, das mir das besser chöi u mr ds bim 2. Satz ou wei umsetze. Dr 2. Satz hei mir mega guet gstarted. Jedi isch für e Bau gange, es isch e gueti Stimmig ufem aber ou näbem Fäud gsi und mir hei zimmli gued mit Köniz chöne mithalte. Leider aber isch ds Glück nid uf üsere Site gsi u so hei mir dr 2. Satz kanpp mit 21:25 verlohre.

Dr 3. Satz isch wieder ned so gued glofe. Mir hi wie im 1. Satz vili Bäll dür Service fäller oder o dür die fälendi Konzentration verlohre. So isch de Satz zimmli schnäu verlohre gsi mit 12:25. Ou we mir 0:3 verlohre hei, isch das für üs e super erste Match gsi wo jedi über sich us gwachse isch. Mir wüsse ize wo mir stöh und o wo mir drane chöi schaffe u üs ds verbessere u chöi vil us dem Match mitnä.

 

Resultat (12:25, 21:25, 12:25)