, Brunner Julia

Juniorinnen u23 - VBC Thun 1:3

Am 17.10.2020 het üsi Corona-Saison a gfangä. Mit viu Motivation und Nervosität hei mir üs uf üsä erst Match vorbereitet. Üs isch bewusst gsi, dass Thun ä sehr starchä Gägner isch. Trotzdäm hei mir üs nid la ischüchtere und hei üsäs Bestä gä.
Im erstä Satz si mir no grad chli z närvös gsy. So das äs nid würk ä guätä Start isch gsi. Mir hei (11:25) verlorä.
Im zwöitä Satz hei mir när üsi Närvosität chli chönnä ablegä und üs sehr verbessert. Mir sie fürenand gangä und hei üsi Pünkt gfirät. Mir hei (25:23) gwunnä.
Im drittä Satz si mir üs när scho chli z sicher gsi und hei üs nüm so konzentriert, was nid so guät isch gsi. Mir hei (21:25) verlorä.
Der letzte Satz isch glich wiä der dritt verloffä, obwohl mir nomau üsäs Bestä hei gä, hets leider nid glängt und so hei mir o der viert Satz (16:25) verlorä.
Nichtsdestotrotz isch äs ä guätä erstä Match gsi, mir wüssä wo mir üs no chöi verbesserä und wärdä jetzt ä däm arbeitä. Motiviert wärde mir scho wieder ä üsä nächst Match am 24.10.2020 no mau gägä Thun a aträtte.