, Augsburger Sarah

VBC Uni Bern - Damen 1 (1:3)

Dr letst Match u mir müesse doch nid so ufgregt si wie mr denkt hei. Mir wärde zwöit blibe. Da Konufinge gester z Spiu verlohre het u so üs nüm cha überhole. Aber trotzdem weimr natürlech gwinne!
„Äs guets Spiu“ heimr dä Gägnerinne vo Unibern mitemne Klatsche gwünscht, wiu dr Handshake wägem Corona Virus nüm so erwünscht isch xi.
Im erste Satz simr nid wük id Gäng cho. Mir hei nid üses Spiu gspiut u nach Rückmäudig vo de Mitspilerinne ufem Bänkli heimr ke Stimmig ufem Fäud gha und nid mitemand gret, was eidütig ou gstumme het. 25:21 heimr verlore.
Im zwöite Satz heimr gas gä u schöni Pünkt chöne mache. Zu 15 heimr gwunne.
Dr dritt satz isch ner ou zimlech guet überd Bühni gange ou wemer nis mängisch chli abem Sehvermöge vom Schiri hei gnärvt.
Im vierte Satz hei üs di vile Zueschouer uf der Tribüni ahgführet wi weis nid was u ds het üs dr nötig pfupf gä de Match z gwinne.
Mit Moscato heimer de mit üsne Zueschouer uf üse zwöit platz ahgstosse, und si ner no aui zämä ga znacht ässä.
Iz geiz für üs aui zerste mau i üsere volleybauzit ad Barrage. Am 22.3 am nami geiz los, u mir fröie üs natürlech über viu understützig vo üsne liebe Fans.

1:3 (25:21, 15:25, 18:25, 21:25)