, Rohrbach Selina

Damen 1 - VBC Uni Bern 1:3

Top motiviert u o chly ufgregt uf ä erscht Match simer i di spezieui "Coronasaison" gstartet. So ä Liga witer obe tätschts de scho chly meh, mit dem heimer aber definitiv grächnet u o gwüsst, ds Uni Bern äs starks Team het.

Dr erscht Satz isch no chly ah üs verbi. Mir si äuä doch no chly ufgregt gsy. Gägä z ändi vom Match heimr üs chly chönne ufraffe, aber dr Rückstand leider nümm chönne ufhole. Mir verliere 21:25.

Chly ruhiger und mit weniger Ufregig heimr i 2. Satz gstartet. U plötzlech ischs besser gloffe dür verhäutnismässig viu Eigefähler isches glich no knapp worde, gwinne dr 2. Satz aber verdient mit 25:22.

Dr dritt Satz heimer sicher gstartet aber o dert heisech immer wider viu eigefähler igschliche. Trotzdem simer 24:23 am füehre gsy, u wo e Gägnerin no im Netz isch ghanget, heimer scho denkt mir chönne e witere Satz uf üses Konto sichere. Aber leider het o dä Fähler der Schiri nid gseh. Item vergesse u witer üses Spiu spile. Leider hets aber nümm so wöuä sy, drum verliere mer dr dritt Satz 26:28.

Es isch knapp blibe aber o dr 4. Satz verliere mer 23:25.
Itz wüsse mer, ds mer chöi mitspile u wemer d Eigefähler vermindere, sogar dä Match ir Rückrundi gwinne.